Беларуская

Русский

Polski

English

Гэты сайт зьяўляецца вэб-падтрымкай выдавецкай ініцыятывы «Падручнік рэвалюцыянэра», якая ажыцьцяўляецца актывістамі Фэдэрацыі анархістаў Беларусі (ФАБ) з 2000 году. На гэтай старонцы будуць разьмяшчацца працы па асноўных прынцыпах анархізму, гісторыі анархістычнага руху, тэарэтыках сучаснага анархізму і г.д., выдадзеных у рамках праекту. Мэтамі гэтага праекту збольшага зьяўляецца анархістычны «лікбез», бо інфармацыя, што зьмяшчаецца на гэтым сайце, носіць хутчэй базавы, чым прапагандысцкі характар. Для пачатку прапануем вашай увазе некалькі ўжо выдадзеных у Беларусі твораў, для большасьці зь якіх мяркуецца забясьпечыць свабодны распаўсюд праз Інтэрнэт у фармаце pdf для самастойнага друку.

1. КАРОТКІ КУРС ГІСТОРЫІ АНАРХІЗМУ.
Выдадзеная ў 2000 годзе, брашура зьяўляецца своеасаблівым «лемантаром» па гісторыі ўзьнікненньня й разьвіцьця анархізму як самастойнай ідэйнай плыні ў міжнародным рэвалюцыйным руху і ахоплівае пэрыяд ад XIX стагодзьдзя да пачатку ІІІ тысячагодзьдзя. Брашуру на беларускай мове ў друкаваным выглядзе можна замовіць па мэйлу: pauluk@tut.by

2. АНАРХІЯ – ГЭТА...
Кароткі выклад асноўных ідэяў анархізму, якія былі аформленыя й выдадзеныя ў выглядзе буклету ФАБ у 2001 годзе. Буклет на беларускай мове можна скачаць у фармаце pdf.

3. ANARCHY IN BY: AНАРХІСТЫЧНЫ РУХ У БЕЛАРУСІ.
Гэтая праца, прысьвечаная 10-годзьдзю Фэдэрацыі анархістаў Беларусі, распавядае пра зараджэньне і разьвіцьцё сучаснага анархістычнага руху ў Беларусі з 70-х гадоў XX стагодзьдзя да нашых дзён. Брашуру можна скачаць у фармаце pdf на ўсіх прапанаваных мовах.

ДАДАТАК:
УСТАНОЎЧЫЯ ДАКУМЭНТЫ ФАБ.
Праграмныя і арганізацыйныя прынцыпы ФАБ, сфармуляваныя ў 1992-93 гадах, якія леглі ў аснову разьвіцьця беларускага анархістычнага руху ў наступныя гады. Гэтыя дакумэнты публікаваліся раней усяго аднойчы ў газэце Анархия №1 у 1993 годзе, аднак уяўляюць сабой ня толькі гістарычную цікавасьць.